აშშ-ს თავდაცვის მდივანი პეკინისგან პოტენციურად გარდაუვალ საფრთხეს ელის. პიტ ჰეგსეტის თქმით, ჩინეთში, ძალთა ბალანსის ალტერირების მიზნით, სამხედრო სამზადისები მიმდინარეობს. თავდაცვის მდივანმა აზიაში მთავარ მოკავშირეებს უსაფრთხოებაზე მეტი ზრუნვისაკენ მოუწოდა.
“ყველასთვის ნათელი უნდა იყოს, რომ პეკინი სამხედრო ძალის შესაძლო გამოყენებისთვის ემზადება, რათა შეცვალოს ძალთა ბალანსი ინდო-წყნარი ოკეანის რეგიონში. ცნობილია, რომ სი ძინპინმა სამხედრო ძალებს, 2027 წლისთვის ტაივანში შეჭრისთვის მზადყოფნა დაავალა. კომუნისტური ჩინეთის მიერ ტაივანის ძალის გამოყენებით დაპყრობის ნებისმიერი მცდელობა გამოიწვევს კატასტროფულ შედეგებს მთელ მსოფლიოში. ნატოს წევრი ქვეყნები, მათ შორის გერმანიაც, პირობას დებს, რომ თავდაცვაზე მათი მთლიანი შიდა პროდუქტის 5%-ს დახარჯავს. ევროპის ქვეყნების მიერ ამის გაკეთებას აზრი არ აქვს, მაშინ როცა აზიაში მთავარი მოკავშირეები კიდევ უფრო ძლიერი საფრთხის პირობებში, თავდაცვაზე უფრო ნაკლებს ხარჯავენ”, – განაცხადა პიტ ჰეგსეთმა.
