აშშ-ის სამხედრო ხელმძღვანელობას ოპტიმიზაციის ფარგლებში პოლონეთის დაბა იასენკადან საკუთარი სამხედროები და ტექნიკა გაჰყავს. ინფორმაციას ევროპასა და აფრიკაში აშშ-ის არმიის სარდლობა ავრცელებს.
როგორც ინფორმაციაშია აღნიშნული, სამხედროები იასენკაში 2022 წლიდან იყვნენ განლაგებულნი. მათი მთავარი ფუნქცია უკრაინისთვის სამხედრო დახმარების კოორდინაცია იყო. ამერიკული ჯარის გაყვანის შემდეგ ამ ფუნქციას პოლონეთისა და ნატოს ჯარები შეასრულებენ.
ევროპასა და აფრიკაში აშშ-ის არმიის სარდლის, გენერალ კრისტოფერ დონაჰიუს ინფორმაციით, იასენკადან გაყვანილი ამერიკელი სამხედროები კი მუდმივი დისლოკაციის ადგილს დაუბრუნდებიან.
ცნობისთვის, იასენკა, სადაც ჟევუშის აეროპორტი მდებარეობს, უკრაინის ვოლინის ოლქიდან 50 კილომეტრში მდებარეობს. იგივე მანძილზეა განლაგებული ბელარუსის საზღვარი.
