აშშ-ის ოფიციალური პირები არ ურჩევენ ისრაელს ლიბანში სახმელეთო სამხედრო ოპერაციის განხორციელებას, – ამის შესახებ The Washington Post ინფორმირებულ წყაროებზე დაყრდნობით წერს.
გამოცემის წყაროებმა აღნიშნეს, რომ აშშ-ის ოფიციალური პირები გასცემენ რეკომენდაციას, რომ ისრაელმა არ განახორციელოს სახმელეთო შეჭრა ლიბანში, რადგან ეს მხოლოდ გაართულებს ისრაელის მცდელობებს დაასუსტოს „ჰეზბოლა“.
აშშ-ის პრეზიდენტის ჯო ბაიდენის ადმინისტრაციის წარმომადგენლებმა განაცხადეს, რომ ისინი ჯერ კიდევ აფასებენ ლიბანში არსებულ ვითარებას და მათ შემდგომ ნაბიჯებს და გააფრთხილეს, რომ ძნელია იმის პროგნოზირება, თუ რა შეიძლება მოხდეს ისრაელის საჰაერო თავდასხმის შედეგად „ჰეზბოლა“ ლიდერის ჰასან ნასრალას გარდაცვალების შემდეგ.
ამავდროულად, ცნობილია, რომ რეგიონში აშშ-ის ჯარები ემზადებიან ნასრალას მკვლელობაზე ირანის შესაძლო პასუხისთვის.
ადმინისტრაციის ერთ-ერთმა ოფიციალურმა პირმა ასევე განაცხადა, რომ აშშ ემზადება მთელი რიგი შესაძლო პასუხებისთვის, მათ შორის „ჰეზბოლას“ პირდაპირი რეაგირებისთვის, ირანის მიერ კონტროლირებადი ძალების თავდასხმებისთვის, ირანის თავდასხმებისთვის ამერიკულ ძალებზე რეგიონში ან პირდაპირი ირანის სარაკეტო თავდასხმისთვის ისრაელზე.
