“ასეთი კატასტროფების მოძლიერების მიზეზი ანთროპოგენური პროცესია, მათ შორის ხე-ტყის უკანონო ჭრა, მაგრამ შოვის შემთხვევაში ამას ადგილი არ ჰქონია”, – ამის შესახებ ილიას სახელმწიფო უნივერსიტეტის პროფესორმა არჩილ მაღალაშვილმა შოვის სტიქიასთან დაკავშირებით განაცხადა.
მისი თქმით ამ სცენარის წინასწარმეტყველება შეუძლებელია.
“მოხდა ისეთი კატასტროფა, რომელზეც რეაგირება პრაქტიკულად შეუძლებელი იყო იმიტომ, რომ ის მასა, რომელიც ჩამოვიდა თითქმის 2800 მეტრ სიმაღლიდან პრაქტიკულად 10-12 წუთში გაიფინა შოვის ტერიტორიაზე. 10-12 წუთში პრაქტიკულად არაფრის მოსწრება არ იყოს შესაძლებელი. სამწუხაროდ, ასეთი სცენარის წინასწარმეტყველება შეუძლებელი იყო. ასეთი კატასტროფების მოძლიერების მიზეზი ანთროპოგენური პროცესია, მათ შორის ხე-ტყის უკანონო ჭრა, მაგრამ შოვის შემთხვევაში ამას ადგილი არ ჰქონია”, – განაცხადა არჩილ მაღალაშვილმა.
