„არანაირი რაციონალური და ობიექტური საფუძველი არ არსებობს იმისა, რომ ვიზალიბერალიზაციის საკითხზე რაიმე კითხვა გაჩნდეს“, – ამის შესახებ მმართველი პარტიის საარჩევნო სიის წევრმა ლევან მახაშვილმა განაცხადა.
მისი თქმით, არ არსებობს არანაირი ობიექტური საფუძველი ვიზალიბერალიზაციის თემაზე სპეკულირების.
„არასერიოზულია ვიზალიბერალიზაციის თემაზე რაიმე კომენტარის გაკეთება. არ არსებობს არანაირი ობიექტური საფუძველი ამ თემაზე სპეკულირების. ვიზალიბერალიზაციის შეჩერებას თავისი მიზეზები აქვს. თავშესაფრის მაძიებელთა რაოდენობა არ იზრდება, დანაშაულში მონაწილე პირთა რაოდენობა არ იზრდება, საქართველო ძალიან აქტიურად თანამშრომლობს რეადმისიის ხელშეკრულების ფარგლებში, ამიტომ, არანაირი რაციონალური და ობიექტური საფუძველი არ არსებობს იმისა, რომ ვიზალიბერალიზაციის საკითხზე რაიმე კითხვა გაჩნდეს“, – აცხადებს ლევან მახაშვილი.
