ჩვენ აქ ვართ მოსული, რათა ყველას ვაჩვენოთ, რომ დამოუკიდებლობა ქართველ ხალხს აერთიანებს და ქართველი ხალხი დამოუკიდებლობას დღეს, ხვალ და მუდამ დაიცავს, – ამის შესახებ საქართველოს ყოფილმა პრეზიდენტმა, სალომე ზურაბიშვილმა რუსთაველის გამზირზე ჟურნალისტებს განუცხადა.
სალომე ზურაბიშვილის თქმით, დღეს საღამოს გააკეთებს განცხადებას და მოუწოდა ყველას, მოუსმინონ მას.
„ამ წუთში არ მაინტერესებს ე.წ. მმართველი გუნდი, მაინტერესებს ხალხი, მაინტერესებს ჩვენი, ყველას ერთიანი განწყობა. ჩვენ აქ ვართ მოსული, რათა ყველას ვაჩვენოთ, რომ დამოუკიდებლობა ქართველ ხალხს აერთიანებს და დამოუკიდებლობას ქართველი ხალხი დღეს, ხვალ და მუდამ დაიცავს. დღეს საღამოს, 21:00 საათზე იქნება ჩემი განცხადება. თუ გაინტერესებთ ჩემი მოსაზრებები, რეაქციები და მოწოდებები, ყველას მოგიწოდებთ, მოუსმინოთ. ახლა ვსეირნობ ხალხში, რადგან ეს განწყობები და ერთიანობა არის ძალიან მნიშვნელოვანი“, – განუცხადა სალომე ზურაბიშვილმა მედიის წარმომადგენლებს.
