ამ მოცემულობაში არანაირ არჩევნებზე საუბარი არ იქნება და ვერ იქნება, კრიტიკულ აზრს ახშობენ, მიიღეს კანონები, რომლებიც უნდა გამოიყენონ არასამთავრობო ორგანიზაციების, ოპოზიციური პარტიების და მათ შორის, ოპოზიციური ტელემედიების გასაუქმებლად, – ამის შესახებ „ნაციონალური მოძრაობის“ წევრმა, ირაკლი ფავლენიშვილმა განაცხადა.
მისი თქმით, რომელიმე პოლიტიკურმა ძალამ ადგილობრივ არჩევნებზე რომ დაიწყოს ახლა საუბარი, არაადეკვატური იქნება.
„ამ მოცემულობით, რა თქმა უნდა, გამორიცხულია. როცა ცესკო-ს დაკომპლექტების წესი და სხვა მიმართულებები იქნება შესაბამისობაში დემოკრატიულ სტანდარტებთან, ამ შემთხვევაში, რა თქმა უნდა, ექნება აზრი საარჩევნო პროცესში მონაწილეობის მიღებას“, – განაცხადა ფავლენიშვილმა.
