ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
“გუშღამ ისევ იყო შაჰიდური შეტევები. კიევის თავზე 6 შაჰიდი დრონი ჩამოაგდეს;
გუშღამ ურდოსულ სუ-34-ს ბელგოროდის თავზე ფრენისას უნებლიედ ბომბი გაძვრა. ბელგოროდელების ბედი, რომ დეტონაცია მიწისქვეშ მოხდა;
“პეტრე დიდს” დახერხავენ და ჯართში ჩააბარებენ – დიახ, ერთ დროს ჩრდილოეთის ფლოტის ფლაგმან ყველაზე მსხვილ წყალზედა ბირთვულ კრეისერს ვეღარ არემონტებენ უფულობის გამო, ამიტომ წავიდა პეტრე დიდიიი ჯართშიიიი.
ბიუჯეტში მართლა მაგარი გარღვევა აქვთ: პირველი კვარტლის მონაცემებით დაახლოებით 25 მილიარდი დოლარის დეფიციტი აქვთ; რასაც ესენი ნავთს და გაზს ყიდიან და მაინც ამხელა ხვრელი აქვთ ურდოსტანის ბიუჯეტში.
აღარავის უნდა ურდოსთვის დახმარების ხელის გაწოდება. აგერ კუხარკა პრიგოჟინი თურმე ჩინეთთან მათხოვრობდა შეიარაღებას, მარა მიიღო ბიშტი; ეგ კიდევ რა არის, დიდი შვიდეული განიხილავს რუსეთში ექსპორტზე ტოტალური ემბარგოს დაწესებას, ანუ თუ შეთანხმდნენ, მაშინ მედიკამენტების და სურსათის გარდა, ვერაფერს შეიტანენ ურდოსტანში; ევროკავშირი რას იზამს, ამას დიდი მნიშვნელობა ექნება. ისე გუშინ “გაანათა” უნგრელი ორბანის კანცელარიამ, რუსეთი ჩვენი მეგობარი არაა, ჩვენი პარტნიორიაო. ჩვენი მეგობრები ჩვენი მოკავშირეები არიან, მოკავშირეები კი ნატოში აშშ და ევროპის ქვეყნები არიანო. რა ხთეფაააა?
აი, ეგ მოკავშირეები და კიდო სხვები დღეს რამშტაინში იქნებიან. ესპანეთის თავდაცვის მინისტრმა დღეს გამოვაცხადებთ ახალ პაკეტსო; დანიამ და ნიდერლანდებმა ერთობლივად გადავცემთ უკრაინას ლეოპარდ 2 ა4 ტიპის 14 ტანკსო; ესტონელებმა, დამატებით ჭურვებს გამოვალთ ჩვენ მილიონი ჭურვის პროგრამის ფარგლებშიო;
პოდოლიაკი აცხადებს, რომ ძირითადი ლაპარაკი წავა 100 და მეტ კილომეტრ მანძილზე მოქმედი რაკეტების გადმოცემაზე;
გუშინ მოულოდნელად კიევის ქუჩებში ნატო-ს გენ.მდივანი იენს სტოლტენბერგი გამოჩნდა; მერე ზელენსკის შეხვდა; საუბარი უკრაინის შეიარაღებული ძალებისთვის გრძელვადიანი მხარდაჭერას შეეხებოდა, მაგრამ სტოლტენბერგმა უმაგრესი გზავნილები გააჟღერა: ნატოს წევრების უმრავლესობა თანხმდება, რომ უკრაინის კანონიერი და დამსახურებული ადგილი ნატოშიაო. ვნახოთ ეს განცხადება ვილნიუსის ივლისის სამიტზე რაში გადაითარგმნება. ზელენსკი ძალიან კონკრეტულ გადაწყვეტილებებს ითხოვს ნატოსგან ივლისში; ასევე უნდა, რომ უკრაინისთვის ნატოში გაწევრებამდე უსაფრთხოების გარანტიების მიცემაზე შეთანხმდნენ ნატოში;
ვიდრე უკრაინა ემზადება გენერალური კონტრიერიშისთვის და ელოდება ამინდების გაუმჯობესებას (ჩვენც მათთან ერთად), ფრონტის ხაზებზე ფართო სურათში ვითარება უცვლელია; რა თქმა უნდა, ყველაზე კრიტიკული ვითარება ბახმუტშია; ცენტრალურ და აღმოსავლეთ ნაწილებში, რკინიგზის ხაზის გაყოლებაზე ურდომ აიღო კონტროლი ხელში; ჩრდილოეთით ხრომოვოზე და სამხრეთით სტუპოჩკებზე ასევე მაგრად გვაწვებიან, რომ გადაგვიკეტონ მომარაგების მთავარი არტერიები ო 0506 ჩრდილოეთით და ტ0504 სამხრეთით. მიუხედავად ძალიან მძიმე ბრძოლებისა, ბახმუტის მომარაგება ჩვენების მიერ კვლავ გრძელდება.
ავდეევკის მიმართულებაზე შეინიშნებოდა გააქტიურება ურდოს მხრიდან; მარიინკას ხომ ვერა და ვერ იღებენ; ამ სამივე მიმართულებაზე ურდო ახლა ცდილობს რომ შემოუაროს თავდაცვის ზღუდეებს და ალყაში მოაქციოს ჩვენები, მაგრამ ჯერჯერობით არაფერი გამოსდით. მოიერიშე ჯგუფებს ანადგურებენ ჩვენები ხმელეთზე და გუშინ გაუნადგურეს მოიერიშე ვერტმფერენი მი-24 ჰაერში!
ხერსონის და ზაპოროჟიეს მიმართულებებზე არტუ.დუელები მიმდინარეობდა!
უკრაინა გაიმარჯვებს 2023-ში! საქართველო უნდა გამოერკვეს 2023-ში! პუტლერის ბოროტების იმპერია ჩამოინგრევა გრუხუნით 2023-ში!
დიდება უკრაინას!
დიდება გმირებს!
დიდება ერს!
სიკვდილი მტერს!” – წერს ალექსი პეტრიაშვილი.
