როგორც მინიმუმ, უხერხულია, როგორც მაქსიმუმ – დანაშაულებრივი უნამუსობაა. ანუ, ეს 20-25 ოჯახი ბოლო ორ წელიწად ნახევარში შეიქმნა? – ასე ეხმიანება „ხალხის ძალის“ წევრი, დავით ქართველიშვილი პარტია 1საქართველოსთვის! ლიდერის, გიორგი გახარიას განცხადებას, რომელშიც აღნიშნულია: 1ეკონომიკა რომ იზრდება, რატომ მიდის ის 20-25 ოჯახის ჯიბეში? ყველას ყველაფერი მოეკითხება“.
მისი თქმით, გახარიას, წლების განმავლობაში ჯერ შინაგან საქმეთა მინისტრის, შემდეგ პრემიერ-მინისტრის პოსტი ეკავა და გაუგებარია, რატომ არავის წაუყენა ბრალი, თუ ფიქრობს, რომ გაზრდილი ეკონომიკა რამდენიმე ოჯახის კეთილდღეობას ხმარდება.
„როგორც მინიმუმ, უხერხულია, როგორც მაქსიმუმ – დანაშაულებრივი უნამუსობაა. ანუ, ეს 20-25 ოჯახი ბოლო ორ წელიწად ნახევარში შეიქმნა? ასეთი „შექმნილი“ ოჯახი მე ერთი ვიცი – კალოშებით ხორცის დახლიდან სოციალურად დაუცველი რომ გაგიმდიდრდათ. მაგრამ მაშინაც შინაგან საქმეთა მინისტრის სავარძელი გეკავათ, თქვენს კლანს კი – უშიშროების საპასუხისმგებლო პოსტები. ნუ, პრემიერ-მინისტრის პერიოდს ხომ საერთოდ „არ ვეხები“. დაიჭირეთ ვინმე? ბრალი წაუყენეთ? თუ, კიდევ ერთხელ ვიმეორებ – ეს „ახლად შეუღლებული“ ოჯახებია? შეკითხვა მარტივია: ახლა ცრუობთ, მაშინ გეშინოდათ თუ ამჟამად – ორივე ერთად?“ – წერს დავით ქართველიშვილი Facebook-ზე.
