თელ-ავივში მყოფი აშშ-ის თავდაცვის მინისტრის განცხადებით, ვაშინგტონი გააგრძელებს ისრაელის მხარდაჭერას და „ჰამასთან“ ომში მისთვის იარაღის მიწოდებას.
„არ მინდა იმ თემაზე სპეკულირება, რა შეიძლება მომავალში მოხდეს. შეგიძლიათ ეჭვი არ შეგეპაროთ იმაში, რომ აშშ ყველაფერს იზამს, რათა ისრაელს თავდაცვისთვის ყველაფერი ჰქონდეს,”– განაცხადა ლოიდ ოსტინმა.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
