“მომავალ კვირას უკრაინას პირველი ამერიკული „აბრამსის“ ტანკები გადაეცემა” – ჯო ბაიდენი

აშშ-ის პრეზიდენტის, ჯო ბაიდენის განცხადებით, ამერიკული „აბრამსის“ ტიპის ტანკები უკრაინას მომავალ კვირას გადაეცემა.

„დღეს მე უკრაინისთვის აშშ-ის უსაფრთხოების დახმარების შემდეგი ტრანში დავამტკიცე, მათ შორის მეტი არტილერია, მეტი საბრძოლო მასალა, მეტი ტანკსაწინააღმდეგო იარაღი. მომავალ კვირას უკრაინას პირველი ამერიკული „აბრამსის“ ტანკები გადაეცემა“, – აღნიშნა ბაიდენმა თეთრ სახლში ვოლოდიმირ ზელენსკისთან შეხვედრისას.

ამერიკის პრეზიდენტის თქმით, ქვეყანა ასევე ორიენტირებულია უკრაინის საჰაერო თავდაცვის შესაძლებლობების გაძლიერებაზე, რათა დაიცვან „კრიტიკული ინფრასტრუქტურა, რომელიც უზრუნველყოფს სითბოს და სინათლეს წლის ყველაზე ცივ და ბნელ დღეებში“.