ჩინეთის საგარეო საქმეთა სამინისტროში განაცხადეს, რომ ჩინეთი პატივს სცემს ყოფილი საბჭოთა რესპუბლიკების სუვერენიტეტს, დამოუკიდებლობასა და ტერიტორიულ მთლიანობას.
ჩინეთის საგარეო უწყებაში აღნიშნული განცხადება მას შემდეგ გაკეთდა, რაც საფრანგეთში ჩინეთის ელჩმა განაცხადა, რომ საბჭოთა კავშირის დაშლის შემდეგ გაჩენილ ქვეყნებს „არ აქვთ ეფექტური სტატუსი საერთაშორისო სამართლის მიხედვით, რადგან არ არსებობს საერთაშორისო შეთანხმება, რომელიც დაადასტურებს მათი, როგორც სუვერენული ერების, სტატუსს“.
„ჩინეთი პატივს სცემს ყოფილი საბჭოთა კავშირის ქვეყნების დამოუკიდებლობას და მისი პოზიცია უცვლელია. ჩინეთი პატივს სცემს ყოფილი საბჭოთა რესპუბლიკების, როგორც სუვერენული ქვეყნების სტატუსს საბჭოთა კავშირის დაშლის შემდეგ“, – აღნიშნა ჩინეთის საგარეო უწყების სპიკერმა.
