2024 წელს ნატო ცივი ომის შემდეგ ყველაზე მასშტაბურ სამხედრო წვრთნებს გამართავს.
სამხედრო სწავლებაში სახელწოდებით, „მტკიცე მცველი“ 40 000-ზე მეტი ჯარისკაცი მიიღებს მონაწილეობას.
სამხედრო წვრთნების ფარგლებში, ნატო-ს წევრები ივარჯიშებენ, როგორ ეცდება ალიანსი რუსეთის აგრესიის მოგერიებას მისი ერთ-ერთი წევრის წინააღმდეგ.
მომავალი წლის თებერვალ-მარტში დაგეგმილ სამხედრო წვრთნებში 500-დან 700-მდე საჰაერო საბრძოლო მისია შესრულდება და 50-ზე მეტი ხომალდი მიიღებს მონაწილეობას. სწავლება ასევე პირველია ტექნიკური შესაძლებლობების თვალსაზრისით, რომელიც იყენებს რეალურ გეოგრაფიულ მონაცემებს ჯარებისთვის უფრო რეალისტური სცენარების შესაქმნელად.
წვრთნები გერმანიაში, პოლონეთსა და ბალტიისპირეთში ჩატარდება და წარმოადგენს ახალი სასწავლო სტრატეგიის ნაწილს, რომელიც ითვალისწინებს სამხედრო ალიანსის ყოველწლიურად ორ დიდ წვრთნას, ერთის ნაცვლად. ნატო ასევე ივარჯიშებს ტერორისტულ საფრთხეებზე მის უშუალო საზღვრებს გარეთ.
