აშშ-ის პრეზიდენტის ჯო ბაიდენის ადმინისტრაცია აცხადებს, რომ უკრაინა არასწორად ახორციელებს კონტრშეტევას რუსეთის წინააღმდეგ, – ამის შესახებ უკრაინული მედია WSJ-ზე დაყრდნობით წერს.
გამოცემა წერს, რომ უკრაინელები კვირების განმავლობაში ცდილობდნენ რუსეთის თავდაცვის გარღვევას და ეს პროგრესი იმაზე ნელი იყო, ვიდრე აშშ და ევროპა იმედოვნებდნენ.
ამავე დროს, გამოცემის ჟურნალისტები ხაზს უსვამენ, რომ პესიმიზმი ვაშინგტონის მიერ უკრაინული კონტრშეტევის წარმატებებთან დაკავშირებით ნაადრევია და აქტიური კრიტიკა ამცირებს კიევის თვალსაჩინო მიღწევებს ბრძოლის ველზე.
„ამ კვირაში უკრაინამ მოახერხა რუსეთის თავდაცვის გარღვევა ქვეყნის სამხრეთ-აღმოსავლეთით ზაპოროჟიეს რეგიონში. ამ კვირაში უკრაინამ განაცხადა, რომ დაიბრუნა სოფელი რობოტინე. ის მელიტოპოლის ღერძისკენ მიმავალ გზაზეა, რომელიც მთავარია. ომის შესწავლის ინსტიტუტმა ხუთშაბათს გაავრცელა ინფორმაცია, რომ უკრაინული ჯარები უახლოვდებიან რუსეთის მეორე თავდაცვის ხაზს და აფართოებენ დარღვევებს“, – წერს გაზეთი.
გამოცემის ცნობით, უკრაინელები ჯერ კიდევ ელოდებიან დაპირებულ აბრამსის ტანკებს, რომლებიც ბრძოლის ველზე შემოდგომაზე უნდა მოვიდეს. ასევე, აკლია გამანადგურებელი აღჭურვილობა.
გამოცემის ჟურნალისტები დარწმუნებულნი არიან, რომ ბაიდენს მაინც შეუძლია გაზარდოს უკრაინული ძალების წარმატების შანსები უმოკლეს დროში მეტი იარაღის მიწოდებით.
„პრეზიდენტ ბაიდენის პოლიტიკური ბედი უკრაინის წარმატებასთან არის დაკავშირებული. კრიტიკოსებმა სწრაფად გამოაცხადეს კონტრშეტევა წარუმატებლად, მაგრამ ბაიდენს მაინც შეუძლია გაზარდოს წარმატების შანსები. უკრაინამ შესაძლოა გამოიყენოს უკეთესი იარაღი დიდი რაოდენობით რუსული თავდაცვის დასარღვევად. ეს მოიცავს შორ მანძილზე ტაქტიკურ სარაკეტო სისტემას, მეტ ტანკს და თვითმფრინავებს – კვირებში და არა თვეებში“, – წერს გამოცემა.
