რამდენიმე დღის წინ ეკა ბესელიამ დააანონსა, რომ თავის დროზე „ქართული ოცნებიდან“ გასულები 2024 წლის არჩევნებისთვის ახალი პოლიტიკური პარტიის შექმნას აპირებენ, – ამის შესახებ „ხალხის ძალის“ წევრი, ზურაბ ქადაგიძე სოციალურ ქსელში წერს.
ქადაგიძე თვლის, რომ “ქართული ოცნებიდან” წამოსული პირების გაერთიანება მომდევნო საპარლამენტო არჩევნებში ერთ პროცენტსაც ვერ აიღებს.
მისი თქმით, მოღალატეების სიას თუ სალომე ზურაბიშვილიც შეუერთდება, არაჩვეულებრივი წრე შეიკვრება, თუმცა, რთული სათქმელია, რამდენად დათმობს ის პრეზიდენტის პოსტს ვადის ამოწურვამდე ორი თვით ადრე.
„რამდენიმე დღის წინ ეკა ბესელიამ დააანონსა, რომ თავის დროზე „ქართული ოცნებიდან“ გასულები 2024 წლის არჩევნებისთვის ახალი პოლიტიკური პარტიის შექმნას აპირებენ.
ერთი წამით გავიხსენოთ, ვინ შეიძლება იყოს მოაზრებული ასეთ გაერთიანებაში: ეკა ბესელია, გია ხუხაშვილი, გიორგი გახარია, ზვიად კვაჭანტირაძე, გედი ფოფხაძე, ლევან გოგიჩაიშვილი, დათო ჭიჭინაძე, თამარ ჩუგოშვილი, ზვიად ძიძიგური.
დამეთანხმებით, რომ მოღალატეების, „ნასედკებისა“ და მექრთამეების „არაჩვეულებრივი“ პარტია შეიკვრება. ჩამოთვლილთაგან თითოეულს ამ სამი ეპითეტიდან მინიმუმ ერთი მაინც მიესადაგება.
მოღალატეების ამ „თანავარსკვლავედს“ სალომე ზურაბიშვილსაც თუ დავუმატებთ, არაჩვეულებრივი წრე შეიკვრებოდა. თუმცა, რამდენად შეელევა ზურაბიშვილი პრეზიდენტის თანამდებობას ვადის გასვლამდე ორი თვით ადრე, რთული სათქმელია.
მოღალატეების, „ნასედკებისა“ და მექრთამეების ეს პარტია საპარლამენტო არჩევნებში ერთ პროცენტსაც ვერ აიღებს. ამიტომ, პრინციპში, მის შექმნაში ცუდს ვერაფერს ვხედავ“, – წერს ზურაბ ქადაგიძე.
