დღეს, ჩაქვშიტრაგედია დატრიალდა.
5 წლის ბავშვი სასტუმროს აუზში დაიხრჩო. ფაქტს სოციალურ ქსელში ერთ-ერთი დამსვენებელი ეხმაურება და წერს:
,,დღეს ჩემი ფანჯრების წინ 5 წლის ბიჭი დაიხრჩო აუზში, ჩაქვში – სასტუმრო დრიმლენდ ოაზისში.
სასტუმროს, რომ თითოეულ აუზზე გამოყოფილი მაშველები ჰყოლოდა, რომლებიც გააკონტროლებდნენ აუზის ტერიტორიას…
სასტუმროს, კვალიფიციური მედპუნქტი რომ ჰყოლოდა, რომელსაც ეცოდინებოდა ხელოვნური სუნთქვის სწორად გაკეთება…
სასწრაფო, 30 წუთის დაგვიანებით რომ არ მოსულიყო…
სასწრაფოს, თან რომ ჰქონოდა ინტუბაციის აპარატი და მხოლოდ ადრენალინი არ გაეკეთებინათ ბავშვისთვის, პატარა ბიჭი დღეს შეიძლება ისევ თავის დედასთან ერთად ყოფილიყო, რომლის განწირული კივილი მთელს ტერიტორიაზე ისმოდა…
ამ ყველაფრის პარალელურად, აუზი, სადაც 5 წლის ბავშვი დაიხრჩო, ერთი წამითაც არ დახურულა და დამსვენებლები არხეინად განაგრძობენ ბანაობას… რა გვჭირს?? ეს ყველაფერიც მთავრობას ხომ არ უნდა დავაბრალოთ?”, – წერს სოციალურ ქსელში მარიამ სურგულაძე.
