“ყველანაირად უნდა წახალისდეს პრიგოჟინისა და ვაგნერის ამბოხი პუტინის წინააღმდეგ” – გიორგი თავდგირიძე

იმდენად მოგებული დარჩება სამყარო არსებულ რეალობასა და პრიგოჟინის მიერ თავისი ვაგნერით მოქმედების განახლების შემდეგ შექმნილ რეალობას შორის სხვაობით, რომ ყველანაირად უნდა წახალისდეს პრიგოჟინის და ვაგნერის ამბოხი პუტინის წინააღმდეგ, – ამის შესახებ თადარიგის პოლკოვნიკი გიორგი თავდგირიძე წერს.
მისი თქმით, პრიგოჟინს შეიძლება ძალიანაც უნდა ვირთხასავით მხოლოდ საკუთარი უსაფრთხოება უზრუნველყოს, მაგრამ არსებული რეალობაში მისი უსაფრთხოების ერთადერთი გარანტია ვაგნერია.

“1. მოცემულობა- რუსეთი არის მტერი სახელმწიფო, რომელიც მოქმედების სამხედრო ძალით და აწარმოებს დანაშაულებრივ ომს- ნებისმიერი შეიარაღებული დაპირისპირება ამ სახელმწიფოში მომგებიანია საქართველოსთვის, უკრაინისთვის, დასავლეთისთვის;

2. პუტინის მიერ ძალაუფლების დაკარგვა არის ომის დამთავრების უმოკლესი გზა;

3. პუტინის შემდეგ ხელისუფლება უარს იტყვის პროექტზე “რუსეთი ჩინეთის ვასალი-ყინულმჭრელი”

4. პუტინის შემდეგი ხელისუფლება, პრაგმატული მოსაზრებებიდან გამომდინარე მჭიდროდ ითანამშრომლებს დასავლეთთან;

5. იმ შემთხვევაშიც კი თუ პრიგოჟინი მხოლოდ სამხედრო ძალით გაიმარჯვებს, ის ხელისუფლებაში ვერ დამკვიდრდება და რუსეთის მართვა გადავა დროებით მთავრობაზე. რატომ არის ეს კარგი პუნქტები 2,3,4;

პრიგოჟინს შეიძლება ძალიანაც უნდა ვირთხასავით მხოლოდ საკუთარი უსაფრთხოება უზრუნველყოს, მაგრამ არსებული რეალობაში მისი უსაფრთხოების ერთადერთი გარანტია ვაგნერია, ისიც მხოლოდ დროებით, რეალურად კი გადარჩენა თუ უნდა პუტინი უნდა მოსპოს. ამიტომ მისი დამატებით მოტივირება აუცილებელიც კი არის.

პრიგოჟინი და მისი “კუკლავოდები” თავისი უსაფრთხოების (სიცოცხლე+ქონება) მიზნით ისედაც უნდა მოქმედებდნენ პუტინის ჩამოსაგდებად და ამას ისიც თუ დაემატება, რომ შეიძლება პუტინის ჩამოგდება და ომის დასრულება იყოს მათი დანაშაულის შემამსუბუქებელი გარემოება, დროებით ზავი მალე შეიძლება შეწყდეს,”-წერს გიორგი თავდგირიძე.