ისნის რაიონის გამგეობა ბინათმესაკუთრეთა ამხანაგობების ხელშეწყობის პროგრამის ფარგლებში, რაიონში ლიფტების მოწყობის სამუშაოებს აგრძელებს.
ამჯერად, ვაზისუბანში, III მ/რ, II კვარტ, კორპ №10, IV მ/რ, II კვარტ, კორპ №11, ვაზისუბნის დასახლება, კორპ №20ა, ვაზისუბნის დასახლება, კორპ №21ა და მუჯირიშვილის №10-ის მიმდებარედ, ორ სადარბაზოში დასრულდ, ოთხში კი ექვსი ძველი ლიფტის ჩანაცვლების სამუშაოები მიმდინარეობს.
პროექტები ისნის გამგეობის ბიუჯეტიდან, ჯამში, 454 960 ლარით დაფინანსდა.
ისნის რაიონის გამგებელი ნიკა ელისაშვილი მოსახლეობას შეხვდა და მათთან ერთად დასრულებული სამუშაოები მოინახულა.
რაიონის მოსახლეობისთვის უსაფრთხო საცხოვრებელი გარემოს შექმნა ისნის რაიონის გამგეობის ერთ-ერთი მთავარი პრიორიტეტია. ამ მიმართულებით სამუშაოები სხვადასხვა მისამართზე აქტიურად მიმდინარეობს.
