„უკრაინა კონტრშეტევაში რთული დუელისთვის ემზადება, მაგრამ ყველაზე დიდი დარტყმა ჯერ კიდევ წინ არის“, – ამის შესახებ უკრაინის თავდაცვის მინისტრის მოადგილე ჰანა მალიარმა განაცხადა.
მისივე თქმით, უკრაინული ძალებისთვის წინსვლა „რთულია“, რადგან რუსეთი თავს მთელი ძალებით იცავს.
„მტერი ადვილად არ დათმობს პოზიციებს და ჩვენ უნდა მოვემზადოთ იმისთვის, რომ ეს რთული დუელი იქნება. კონტრშეტევის წარმატება არ შეიძლება შეფასდეს მხოლოდ დაკავებული ქალაქებითა და გავლილი კილომეტრებით, სამხედრო ოპერაციების ეფექტურობის გასაზომად ბევრად მეტი კრიტერიუმი არსებობს.
მიმდინარე ოპერაციას აქვს რამდენიმე ამოცანა და სამხედროები ასრულებენ ამ ამოცანებს, მოძრაობენ ისე, როგორც უნდა გადაადგილდნენ. ყველაზე დიდი დარტყმა ჯერ კიდევ წინ არის“, – განაცხადა მალიარმა.
