იურიდიულ საკითხთა კომიტეტმა იუსტიციის უმაღლესი საბჭოს მიერ პარლამენტისთვის ასარჩევად წარდგენილ უზენაესი სასამართლოს მოსამართლეობის კანდიდატებს – ლევან ნემსაძესა და მიხეილ ჯინჯოლიას მოუსმინა.
კანდიდატების მოსმენამდე, უზენაესი სასამართლოს მოსამართლეობის კანდიდატების საქართველოს კანონმდებლობის მოთხოვნებთან შესაბამისობის დადგენის ხელშეწყობის მიზნით იურიდიულ საკითხთა კომიტეტთან შექმნილი სამუშაო ჯგუფის ხელმძღვანელმა რატი იონათამიშვილმა განაცხადა, რომ კანდიდატების მიერ წარმოდგენილი დოკუმენტაცია კანონმდებლობით გათვალისწინებულ მოთხოვნებთან სრულად შესაბამისობაშია.
უზენაესი სასამართლოს მოსამართლეობის კანდიდატს, ლევან ნემსაძეს 14-წლიანი სამუშაო გამოცდილება აქვს და იგი 2023 წლის ოქტომბრიდან დღემდე საქართველოს იუსტიციის უმაღლესი საბჭოს არამოსამართლე წევრის პოზიციას იკავებს.
მიხეილ ჯინჯოლიას სამუშაო გამოცდილება ასევე 14 წელია. იგი 2023 წლის 1 დეკემბერს მოსამართლის თანამდებობაზე უვადოდ გამწესდა, 2022 წლის ნოემბრიდან დღემდე კი, თბილსის საქალაქო სასამართლოს სისხლის სამართლის საქმეთა კოლეგიის მოსამართლეა.
უზენაესი სასამართლოს მოსამართლეობის კანდიდატებმა გასაუბრების პროცესში დეპუტატების შეკითხვებს უპასუხეს.
იურიდიულ საკითხთა კომიტეტის წევრებმა ორივე კანდიდატს მხარი დაუჭირეს.
