ფუნდამენტური უფლებათა ცენტრის დამკვირვებელის, ჯეი პატელის განცხადებით, საქართველოში არჩევნები პროფესიონალურ დონეზე ტარდება და საარჩევნო პროცესი პოზიტიურად მიმდინარეობს.
„არჩევნები სტაბილურად, პოზიტიურად მიმდინარეობს, პროფესიონალურად ტარდება. უბნები ეფექტურად იმართება, ისე როგორც ეს დასახული იყო. მთლიანობაში, მიდგომები თითოეულ ქალაქში საკმაოდ მსგავსია, თუმცა აქ, ქუთაისში ძალიან დიდი ენთუზიაზმი შეინიშნება“, – აღნიშნა ჯეი პატელმა.
4 ოქტომბერს საქართველოში ადგილობრივი თვითმმართველობის არჩევნები იმართება.
ქვეყნის მასშტაბით მუშაობს 3 061 საარჩევნო უბანი, რომელთაგან 2 284 უბანზე კენჭისყრა ელექტრონული, ხოლო 777 უბანზე ტრადიციული წესით ჩატარდება, მათ შორისაა გამონაკლის შემთხვევაში შექმნილი ათი უბანი, რომლებიც პენიტენციურ დაწესებულებებშია გახსნილი.
მუნიციპალიტეტის ორგანოთა არჩევნებისთვის ამომრჩეველთა საერთო რაოდენობა 3 513 818-ს შეადგენს.
4 ოქტომბრის არჩევნებისთვის რეგისტრირებულია 12 პოლიტიკური პარტია.
