რას გვირჩევენ ვარსკვლავები 13 აგვისტოსთვის ჯანმრთელობის, ბიზნესის და სიყვარულის მიმართულებით?
ვერძი
ამ დღეს „რევერანსებით საუბრის“ ხასიათზე არ ხართ და გსურთ, ადამიანებს სახეში მიახალოთ ყველაფერი, რასაც მათზე ფიქრობთ. გამორიცხული არ არის, რომ თქვენი პირდაპირობა კონფლიქტის მიზეზად იქცეს, ამიტომ ვარსკვლავები გირჩევენ, ემოციები სასარგებლო საქმეებისკენ მიმართოთ. საქმეში, რომელსაც დამოუკიდებლად დაიწყებთ და დაასრულებთ, შეიძლება შეუძლებელი შეძლოთ.
კურო
ეცადეთ, ამ დღეს უფროსს თვალში არ მოხვდეთ, თორემ მის რისხვას ვერ გადაურჩებით. თუმცა, ეს მხოლოდ უფროსს კი არა, ყველა იმ ადამიანს ეხება, ვისზეც დამოკიდებული ხართ ან თქვენზე გავლენას ახდენს: მშობლები, საყვარელი ადამიანი, მეგობრები. შესაძლოა, ვიღაცისთვის განტევების ვაცი აღმოჩნდეთ.
ტყუპები
ვარსკვლავები გირჩევენ, რომ საკუთარი ინტერესების დასაცავად მოემზადოთ. საქმე შეიძლება ფულთან დაკავშირებულ დავას ან უსამართლო ბრალდებებს ეხებოდეს. ხელთ უტყუარი მტკიცებულებებიც რომ გქონდეთ, ნაკლებად სავარაუდოა, რომ დავაში საკუთარი სიმართლის დამტკიცება შეძლოთ. ვარსკვლავები გირჩევენ, მოითმინოთ და თქვენი არგუმენტები იმ დროს გამოაჩინოთ, როდესაც გამარჯვების მეტი შანსი გექნებათ.
კირჩხიბი
მომავლის დაგეგმვის დრო დასრულდა, მოქმედება უნდა დაიწყოთ. თუ დიდი ხანია ახალი პროექტის დაწყებაზე, გრძნობების გამჟღავნებაზე ან ძვირად ღირებული ნივთის შეძენაზე ოცნებობთ, დროა, აისრულოთ. თუნდაც წინ გრძელი გზა გედოთ, არ უნდა შეშინდეთ: ყოველი გზა პირველი ნაბიჯით იწყება.
ლომი
ამ დღეს შეიძლება შეცდომის გამოსწორების შესაძლებლობა მოგეცეთ. ეს შეიძლება საყოფაცხოვრებო საკითხებს, სამსახურთან დაკავშირებულ პრობლემებს ან ახლობლებთან ურთიერთობებს ეხებოდეს. საკუთარი შეცდომების აღიარება რა თქმა უნდა რთულია, მაგრამ ბოლოს და ბოლოს, შეცდომებს ყველა ადამიანმა უშვებს. მიეცით საკუთარ თავს ამის შანსი და სანაცვლოდ თქვენ წინაშე ახალი შესაძლებლობები და პერსპექტივები გაიხსნება.
ქალწული
ამ დღეს მთელი ძალით ეწინააღმდეგებით მათ, ვინც გაბედავს და გზაზე გადაგეღობებათ. ასეთივე გულმოდგინებით მზად ხართ საკუთარი მეგობრები და ყველა უსამართლოდ განაწყენებული ადამიანი დაიცვათ. ერთი მხრივ, ასეთი კატეგორიულობა საშუალებას მოგცემთ, მოწინააღმდეგე ბოლომდე დაამარცხოთ, მაგრამ მეორე მხრივ, შეიძლება ახალი მტერი შეიძინოთ.
სასწორი
ვარსკვლავები გირჩევენ, არ იაროთ შემოვლითი გზით იქ, სადაც პირდაპირ სიარული შეიძლება. გახსოვდეთ, რომ პირდაპირი გზა ყველაზე მოკლე გზაა. ამ დღეს წარმატების სტრატეგია ძალიან მარტივია – არავითარი ტყუილი ან რაიმეს დამალვის მცდელობა. ცხოვრების ყველა სფეროში მხოლოდ პირდაპირობა და გულწრფელობა დაგეხმარებათ. მკაფიოდ ჩამოყალიბებული მიზანი ახალ შესაძლებლობებს გაგიხსნით.
მორიელი
ამ დღეს თქვენს თვალში შეიძლება ბუზი სპილოდ იქცეს. ამის გამო პრიორიტეტების სწორად დალაგება გაგიჭირდებათ. შედეგად, შეიძლება ყველა საქმის ერთდროულად კეთება სცადოთ და საბოლოოდ არაფერი გამოგივიდეთ. იმისთვის, რომ მთელი დღე უშედეგო სირბილში არ გავიდეს, საქმეში მეტი დისციპლინა გმართებთ.
მშვილდოსანი
ამ დღეს შეიძლება შემთხვევით ვიღაცას აწყენინოთ – დაუფიქრებლად სხვისი საიდუმლო გასცეთ ან თანამოსაუბრეს უსიამოვნო სიმართლე პირში მიახალოთ. იმისათვის, რომ ამ დღემ უსიამოვნო ინციდენტების გარეშე ჩაიაროს, თქვენსა და გარშემო მყოფებს შორის მაღალი და ფართო „კედელი“ უნდა აღმართოთ.
თხის რქა
ამ დღეს გარშემომყოფების მიმართ კრიტიკულად ხართ განწყობილი და უკმაყოფილებას ღიად გამოხატავთ. იმისათვის, რომ ახლობელთან ურთიერთობა არ გაიფუჭოთ, ვარსკვლავები გირჩევენ, მტკივნეულ და დელიკატურ თემებს არ შეეხოთ. წინააღმდეგ შემთხვევაში, პრობლემის გადაჭრას ვერ შეძლებთ, მაგრამ მისი გამწვავება ძალიან ადვილად შეიძლება.
მერწყული
გარშემომყოფებმა შეიძლება უსარგებლო დავაში ან კონფლიქტში ჩაგითრიონ. შესაძლოა, იგრძნოთ კიდეც, რომ ვიღაც თქვენი ემოციებით იკვებება და თქვენი ენერგეტიკული ვამპირია. ასეთ არასასიამოვნო სიტუაციაში ვარსკვლავები გირჩევენ, რომ გვერდით გადგეთ და ყასიდად დაეთანხმოთ, ვიდრე პოლემიკაში ჩაერთოთ და მერე ძალის გამოცლამდე იყვიროთ. ნუ მოუშვებთ ვამპირს ახლოს და ამით ძალას გამოაცლით.
თევზები
ამ დღეს თქვენი წარმატების გასაღები პრინციპული მოქმედება იქნება. შეიძლება თამამი ნაბიჯის გადადგმა გაბედოთ, მთავარი პირობაა, რომ ეს ნაბიჯი კარგად გააზრებული უნდა იყოს, განსაკუთრებით, თუ საქმე ფინანსებს ეხება. თუ გაქვთ გეგმა, რომლის განხორციელებისთვის აქამდე სიმამაცე არ გყოფნიდათ, ახლა დროა, იმოქმედოთ. მთავარია, ემოციის გავლენით არაფერი წამოიწყებთ – მოულოდნელმა იმპულსებმა შეიძლება ავანტიურისტული, ნაჩქარევი ნაბიჯები გადაგადგმევინონ.
