ვერძი
სურვილის შემთხვევაში, ამ დღეს ბევრი სასარგებლო საქმის გაკეთებას შეძლებთ, როგორც საკუთარი თავისთვის, ისე გარშემომყოფებისთვის. დროა, თქვენი პიროვნული მომხიბვლელობა, ცოდნა და გამოცდილება ფინანსური მდგომარეობის გაუმჯობესებისთვის გამოიყენოთ. ამაში კარგად გამოცდილი საიმედო მოკავშირეები დაგეხმარებიან. პრობლემების დროს შინაგან ხმას უსმინეთ და სწორ გამოსავალს გიკარნახებთ. ეცადეთ, ემოციები აკონტროლოთ და უმნიშვნელო წყენა დიდ დაპირისპირებად არ აქციოთ.
კურო
დილა საკმაოდ რთული იქნება, მაგრამ ეს გაღიზიანების მიზეზი არ უნდა გახდეს. ახლობლებთან ურთიერთობაში მოსალოდნელია მცირე გაუგებრობა. სავარაუდოდ, უსიამოვნებები დიდხანს არ გაგრძელდება და მალე დაივიწყებთ. ვარსკვლავები გირჩევენ, კარგად ჩამოაყალიბოთ საკუთარი იდეები, სანამ სხვებს გაუზიარებთ.
ტყუპები
ურთიერთობების თვალსაზრისით რთული დღეა. გირჩევთ მნიშვნელოვან საკითხებში მხოლოდ საკუთარ თავს არ დაეყრდნოთ – დახმარება იქიდან მოვა, საიდანაც არ ელოდით. თუ გარშემომყოფთა აზრი მეტისმეტად გაწუხებთ და ცდილობთ ყველას მოეწონოთ, ეცადეთ დახმარების თხოვნაზე უარით არავის უპასუხოთ. თუ მარტოხელა ხართ, მოსალოდნელია ახალი, საინტერესო ნაცნობობა ან სამსახურებრივი რომანი, რომელიც სასიამოვნო ემოციებს მოგანიჭებთ.
კირჩხიბი
დილა ძალიან ნაყოფიერი იქნება – რამდენიმე საათში იმდენს მოასწრებთ, რამდენსაც ზოგჯერ მთელი დღის მანძილზე ვერ ახერხებთ. შემთხვევით გაცნობილი ადამიანი შეიძლება პროფესიულ წინსვლაში დაგეხმაროთ. მოსალოდნელია საქმიანი მგზავრობა რომანტიკული ელფერით. სჯობს, დიდი ხარჯებისგან თავი შეიკავოთ – ახლა ნაჩქარევი და გაუმართლებელი შენაძენებისთვის საუკეთესო დრო არაა. ეცადეთ კონფლიქტები თავიდან აიცილოთ – თუ ვინმეს აწყენინეთ, უნდა აღიაროთ და მოიბოდიშოთ.
ლომი
პროფესიული თვალსაზრისით წარმატებული დღეა. თქვენი რჩევები სასარგებლო იქნება, გადაწყვეტილებები – საუკეთესო. გირჩევთ, მიმდინარე საკითხებს მეტი ყურადღება მიაქციოთ. შეადგინეთ სამოქმედო გეგმა, რათა მთავარი საკითხები არ გამოტოვოთ და ეტაპობრივად მიჰყევით. რთული და მნიშვნელოვანი პროექტის დაწყება უმჯობესია სამომავლოდ გადადოთ და უკვე დაწყებული საქმის დასრულებაზე იზრუნოთ. გაჩნდება შესაძლებლობა, რომ ახალი პოზიციის დახმარებით საჭირო გამოცდილება მიიღოთ.
ქალწული
ამ დღეს რომანტიკული განწყობა პროფესიულ საქმიანობაში ხელს გიშლით, ამიტომ ეცადეთ, მუშაობისთვის განეწყოთ და მეტი იაქტიურეთ. შეგიძლიათ, მომავლის გეგმები შეადგინოთ, შესაძლებლობები შეაფასოთ და სამომავლო პერსპექტივები შეისწავლოთ. ამჟამად როგორც საკუთარ შესაძლებლობებს, ისე მთლიან სიტუაციას რეალურად აფასებთ, რაც სასურველი შედეგის მიღებაში დაგეხმარებათ. ოჯახში გულწრფელი საუბარი დაძაბულობას განმუხტავს და ურთიერთობებს გააუმჯობესებს.
სასწორი
ეს დღე სავსეა მოულოდნელობებით. წინასწარ შედგენილი გეგმის განხორციელება რთული იქნება – შექმნილი გარემოება თქვენგან იმპროვიზაციას მოითხოვს. შესაძლოა, დახმარება იმ ადამიანისგან მიიღოთ, ვისგანაც არ ელოდით. ეს დღე დაგეხმარებათ გააცნობიეროთ, სინამდვილეში რა გჭირდებათ. დღის მეორე ნახევარში შეიძლება დიდი ხნის უნახავ ახლობელს შეხვდეთ და დრო სასიამოვნოდ გაატაროთ.
მორიელი
თუ დროს დავასა და უაზრო საუბრებში არ დაკარგავთ, დღე სასიამოვნოდ ჩაივლის. უმჯობესია მხოლოდ საკუთარ ძალებს დაეყრდნოთ, რადგან ამ დღეს თქვენთვის არავის სცალია. თუ დახმარება მაინც დაგჭირდათ, მხოლოდ იმ ადამიანებს მიმართეთ, ვისაც ნამდვილად ენდობით. შესანიშნავი დროა ახალი ცოდნისა და უნარების ასათვისებლად.
მშვილდოსანი
სასიამოვნო დამთხვევებითა და პოზიტიური მოვლენებით სავსე დღეა, რაც კარგ განწყობას შეგიქმნით. მოსალოდნელია შეხვედრა დიდი ხნის უნახავ, მონატრებულ ადამიანებთან. სავარაუდოდ, საქმიანი მოლაპარაკებები თქვენთვის სასურველი შედეგით დასრულდება. ახლა მთავარია, დაწყებული საქმის დროულად დასრულება შეძლოთ. დროა, ახალი მოკავშირეები ეძებოთ – სავსებით შესაძლებელია, როგორც მეგობარი, ისე საყვარელი ადამიანიც იპოვოთ.
თხის რქა
ვარსკვლავების მხარდაჭერა ზურგს გიმაგრებთ და ეს ბევრი საკითხის მოსაგვარებლად უნდა გამოიყენოთ. საზოგადოებრივ საქმეებში, კონფერენციებსა და მასობრივ ღონისძიებებში მონაწილეობა სასარგებლო იქნება. შესაძლებლობა გექნებათ, რომ ნაცნობებს დაეხმაროთ და ახლობლებს მხარი დაუჭიროთ. დღის ბოლოს მიიღებთ პასუხებს კითხვებზე, რომლებიც დიდი ხანია გაწუხებთ.
მერწყული
გირჩევთ, დილის საათები პირადი საკითხების მოსაგვარებლად გამოიყენოთ. სამსახურში მოსალოდნელია ახალი მოვალეობები და საქმიანობის ასპარეზის გაფართოება. სამომავლო გეგმები საიდუმლოდ შეინახეთ – გამორიცხული არ არის, რომ კონკურენტმა თქვენი იდეა მიითვისოს. დღის მეორე ნახევარში ყურადღების მოკრება გაგიჭირდებათ. მოერიდეთ ფინანსური საკითხების მოგვარებას, რადგან შეიძლება მნიშვნელოვანი რამ გამოგეპაროთ.
თევზები
მზად იყავით, რომ ამ დღეს შედეგის მისაღწევად ჩვეულებრივზე მეტი ძალისხმევა მოგიწევთ. ისეთი განცდა გაქვთ, თითქოს მთელმა სამყარომ თქვენ წინააღმდეგ პირი შეკრა. მდგომარეობა საღამოსკენ გაუმჯობესდება, თუმცა, სერიოზული გადაწყვეტილებების მიღება არასასურველია. უახლოესი დღეების ამოცანაა, კომპრომისი იპოვოთ და სერიოზული კონფლიქტი თავიდან აიცილოთ. ფრთხილად იყავით მგზავრობისას – შესაძლებელია, მნიშვნელოვანი რამ გამოგეპაროთ.
