უკრაინულმა ძალებმა დონეცკისა და ზაპოროჟიეს ოლქებში, ისევე როგორც ბახმუტის გარშემო, თავდასხმის წარუმატებელი მცდელობები განახორციელეს, – ამის შესახებ რუსეთის თავდაცვის სამინისტრო იუწყება.
მოსკოვი აღნიშნავს, რომ მათ „ყველა შეტევა მოიგერიეს“.
ცნობისთვის, რუსეთის პრეზიდენტმა ვლადიმერ პუტინმა 9 ივნისს განაცხადა, რომ უკრაინამ კონტრშეტევა ოფიციალურად დაიწყო, მაგრამ დიდი დანაკარგები განიცადა და მიზნებს ვერ მიაღწია.
იმავდროულად, 10 ივნისს უკრაინის პრეზიდენტმა ვოლოდიმირ ზელენსკიმ განაცხადა, რომ კიევმა კონტრშეტევა დაიწყო და რუსები მის შედეგებს მალე იგრძნობენ.
