ისრაელის სახელმწიფოს პრეზიდენტი, იცხაკ ჰერცოგი საქართველოს პრეზიდენტ მიხეილ ყაველაშვილს და სრულიად საქართველოს დამოუკიდებლობის დღეს ულოცავს.
„ისრაელის სახელმწიფოსა და მისი მოქალაქეების სახელით, გთხოვთ მიიღოთ ჩემი გულწრფელი მილოცვა საქართველოს დამოუკიდებლობის დღის აღსანიშნავად.
ჩვენ ღრმად ვაფასებთ იმ მნიშვნელოვან ურთიერთობებს, რომელიც გვაქვს საქართველოსთან, ვინაიდან გვაკავშირებს საერთო გეოპოლიტიკური ინტერესების არაერთი სფერო.
განვაგრძობ ძალისხმევას ჩვენი ერების პარტნიორობის გაღრმავებისა და გაფართოების მიმართულებით ისეთ მნიშვნელოვან სფეროებში, როგორებიც არის ვაჭრობა, ტურიზმი და კულტურული გაცვლები.
პოლიტიკის მიღმა, არსებობს ღრმა და ისტორიული კავშირი ჩვენს ორ ერს შორის. საქართველოში არსებული მრავალფეროვანი ებრაული საზოგადოება და ქართველი ებრაელები დღესაც წარმოადგენენ ცოცხალ ხიდს ჩვენს შორის, რომელიც ქმნის მტკიცე საყრდენს ჩვენი მეგობრული ურთიერთობების განსამტკიცებლად.
კიდევ ერთხელ, გილოცავთ ამ ეროვნული მნიშვნელობის დღეს თქვენ და ქართველ ხალხს. გისურვებთ მშვიდობასა და კეთილდღეობას“, – ნათქვამია მისალოც წერილში.
