პრობლემა არის არა სააკაშვილის ბანერში, არც იმის აღიარებაში, რომ სააკაშვილი პოლიტპატიმარია, არამედ პრობლემა არის უზრდელობაში, აქციის მიტაცებაში, – ამის შესახებ პარტია „ფედერალისტების“ ერთ-ერთმა დამფუძნებელმა, თამარ ჩერგოლეიშვილმა განაცხადა იმასთან დაკავშირებით, რომ პარლამენტთან, სადაც სალომე ზურაბიშვილის სიტყვით გამოსვლაა დაგეგმილი, მიხეილ სააკაშვილის მხარდამჭერები შეიკრიბნენ.
ჩერგოლეიშვილის თქმით, ეს აღიზიანებს ხალხს და იწვევს დაპირისპირებას.
„იქნებ რაღაცნაირად ისე გავაკეთოთ, რომ არ ჩამოეფარონ და არ სცადონ აქციის მიტაცება. პრობლემა ხომ სააკაშვილის ბანერში არ არის, არც იმის აღიარებაშია, რომ სააკაშვილი პოლიტპატიმარია, ეს ღარიბაშვილს აქვს აღიარებული. პრობლემა არის უზრდელობაში, აქციის მიტაცებაში, რაც შენი არ არის, იმის მითვისებაში და ეს აღიზიანებს ხალხს, ეს იწვევს დაპირისპირებას, თორემ თავისთავდ ის კი არა, რომ ვიღაც აქტივისტს სააკაშვილი მოსწონს და მისი პლაკატი უჭირავს, უზრდელობა არ მოსწონთ“, – აღნიშნა თამარ ჩერგოლეიშვილმა.
