საფრანგეთი და გერმანია ფრანკო-გერმანულ თავდაცვით და უსაფრთხოების საბჭოს შექმნიან. ინფორმაციას Euronews-ი ავრცელებს.
ტელეარხის ცნობით, ამის შესახებ საფრანგეთის პრეზიდენტმა, ემანუელ მაკრონმა გერმანიის კანცლერ, ფრიდრიხ მერცთან შეხვედრის შემდეგ განაცხადა.
მაკრონის თქმით, საბჭო სტრატეგიულ გამოწვევებზე ოპერატიული რეაგირებისთვის რეგულარულად შეიკრიბება. გარდა ამისა, ორი ქვეყანა თავდაცვაში ინვესტირებას მაქსიმალურად გააგრძელებს.
