მედიაჰოლდინგი “ჯორჯიან თაიმსი“ განცხადებას ავრცელებს:
„გვსურს, მედიაჰოლდინგ „ჯორჯიან თაიმსის“ რედაქციის სახელით, გამოვეხმაუროთ კარენ კარაპეტიანის ფსევდონიმით რეგისტრირებულ „ფეისბუქის“ ერთ-ერთ მომხმარებელს, რომელიც, პირად გვერდზე, ძველ, კერძოდ, 2020 წლის 23 მაისის მასალას აზიარებს და მისი მხრიდან, ყალბი ინფორმაციის გავრცელებაში გვადანაშაულებს.
განვმარტავთ, რომ გავრცელებული ინფორმაცია, საქართველოს პირველი პრეზიდენტის, – ზვიად გამსახურდიას წარმომავლობის შესახებ, რომელიც, წარმოადგენს ერთ-ერთი კერძო მომხმარებლის სტატუსს, ჩვენს გვერდზე გამოქვეყნდა ისე, როგორც დეზინფორმაციის მხილება. ის არანაირად არ წარმოადგენს „ჯორჯიან თაიმსის“ ჟურნალისტურ პროდუქტს. როგორც ზემოთ აღვნიშნეთ, ინფორმაცია იყო სოციალური ქსელიდან აღებული და აქცენტი გაკეთებული იყო იმაზე, რომ ეს გახლავთ ერთ-ერთი ფეისბუქმომხმარებლის მცდარი მოსაზრება.
მედიაჰოლდინგ „ჯორჯიან თაიმსის“ რედაქცია პასუხისმგებლობით ეკიდება აუდიტორიის გაურკვევლობაში შეყვანის ფაქტს და აღნიშნულ ინფორმაციას მედიაპლატფორმიდან საერთოდ შლის”, – ნათქვამია განცხადებაში.
