ფრაქცია „ქართული ოცნების“ თავმჯდომარის მოადგილე ლევან მაჭავარიანი საგარეო საქმეთა მინისტრის მაკა ბოჭორიშვილის და აშშ-ის ელჩის რობინ დანიგანის შეხვედრას გამოეხმაურა და აღნიშნა, რომ ეს დიპლომატიური კორპუსის სამუშაოს ნაწილია.
როგორც დეპუტატი აღნიშნავს, დიპლომატებს შორის შეხვედრამ ოპოზიციის ნაწილში აჟიოტაჟი გამოიწვია.
„განსაკუთრებული იმაში არაფერი არ არის, როდესაც უცხო ქვეყნის ელჩი ხვდება საგარეო საქმეთა მინისტრს. რა თქმა უნდა, ეს არის მათი სამუშაოს ნაწილი და ამას რამხელა აჟიოტაჟი მოჰყვა ოპოზიციის მხრიდან, კარგად დაინახეთ. შეუვარდნენ აშშ-ის საელჩოს ფეისბუკგვერდს და როგორი ფაშისტური კომენტარები დაუწერეს – ოპოზიციამ და მათმა აქტივისტებმა, ყველამ ჩვენი თვალით ვიხილეთ“, – აცხადებს მაჭავარიანი.
