ლოს ანჯელესის 2028 წლის ზაფხულის თამაშებამდე სამ წელზე მეტი რჩება. მომავალი ოლიმპიადის ერთ-ერთი მთავარი საკითხი იქნება იქ რუსი სპორტსმენების დაშვება.
საერთაშორისო ოლიმპიური კომიტეტის პრეზიდენტის პოსტზე ერთ-ერთმა კანდიდატმა სებასტიან კოუმ განაცხადა, რომ რუსების მონაწილეობა 2028 წლის ოლიმპიადაზე შესაძლებელი იქნება, თუ ამერიკის შეერთებული შტატები მოახერხებს რუსეთთან შეთანხმებას.
„ჩემი საქმე არ არის მშვიდობიანი მოლაპარაკებები. ყველა ომი მოლაპარაკებების მაგიდასთან მთავრდება. მნიშვნელოვანია, სად დგას ეს მაგიდა, ვინ ზის მასთან და როგორ გამოიყურება მაგიდაზე გაშლილი რუქა. თუ მიაღწევენ მშვიდობიან შეთანხმებას, მაშინ ოლიმპიური აკრძალვის მოხსნის საკითხი დეტალურ განხილვას მოითხოვს“, – განაცხადა კოუმ პირს მორგანთან ინტერვიუში.
ცნობისთვის, საერთაშორისო ოლიმპიური კომიტეტის ახალი პრეზიდენტის არჩევნები 20 მარტს გაიმართება. ამ დღეს ორგანიზაციის 110 წევრი შეიკრიბება საბერძნეთში, რათა აირჩიოს შვიდი კანდიდატიდან ერთი.
