სლოვაკეთის პრეზიდენტი უკრაინაში დაგეგმილ ვიზიტს აუქმებს. პიტერ პელეგრინიმ, კიევში ვიზიტზე უარი მას შემდეგ თქვა, რაც რუსეთიდან უკრაინის გავლით გაზის ტრანზიტი შეწყდა.
მედიის ცნობით, არჩევის შემდეგ პელეგრინი ოფიციალური ვიზიტით უკრაინაში ჩასვლას აპირებდა, მსგავსი ვიზიტები მან უკვე განახორციელა ყველა მეზობელ ქვეყანაში.
„კიევში მხოლოდ ფოტოების გადაღების მიზნით წასვლა უადგილოა, ვიდრე რუსეთის ფედერაციიდან გაზის ტრანზიტის საკითხი არ მოგვარდება. მხოლოდ ფოტოს გადასაღებად თუ მომიწევს წასვლა და მეუბნებიან, რომ სლოვაკეთში არცერთი წვეთი ნავთობი და გაზი არ წამოვა, იქ ნამდვილად არ უნდა წავიდე. არავინ გაბრაზდეს“, – განაცხადა პრეზიდენტმა.
