ჩემთვის არის მხოლოდ მშვიდობა, სტაბილურობა ქვეყნის განვითარება, სტაბილურობა სჭირდება ქვეყანას, სტაბილურობა გვჭირდება ჩვენ, თქვენ და ზოგადად ეკონომიკას. სტაბილურად უნდა შევხვდეთ ახალ წელს, – ამის შესახებ „კახური ტრადიციული მეღვინეობის ჯგუფის“ დამფუძნებელმა, ზურაბ ჩხაიძემ პრემიერ-მინისტრთან შეხვედრის შემდეგ განაცხადა.
ჩხაიძის თქმით, ირაკლი კობახიძესთან შეხვედრაზე საუბარი არსებულ ვითარებას შეეხო.
„ჩვენ ზოგადად გვქონდა საუბარი არსებულ ვითარებასთან დაკავშირებით ბიზნესსა და ზოგადად სახელმწიფოს პოზიციონირობის შორის, გამომდინარე იქიდან, რომ ქვეყანაში ცოტა დაძაბული ვითარებაა, გაისმა, როგორც კრიტიკული აზრი ასევე, აზრი რომელიც გააჩნია ბიზნესს. ჩემთვის არის მხოლოდ მშვიდობა, სტაბილურობა ქვეყნის განვითარება. სტაბილურობა სჭირდება ქვეყანას, სტაბილურობა გვჭირდება ჩვენ, თქვენ და ზოგადად ეკონომიკას. სტაბილურად უნდა შევხვდეთ ახალ წელს. პირველ რიგში კარგია, როდესაც გამოითქვა აზრი, რომ კრიტიკულად მოაზროვნე ბიზნენისს მხარეც შეხვდება პრემიერს და ზოგადად ბიზნესს, რომელიც ფიქრობს, ქვეყნის განვითარებისთვის, რა იქნება საჭირო“, – განაცხადა ჩხაიძემ.
