ვერძი
საკმაოდ დაძაბული დღეა. გირჩევთ, მშვიდად იმუშაოთ, რადგან აჩქარება შეცდომებს გამოიწვევს და ძველ პრობლემებს ახლები დაემატება. შესაძლოა, რაღაც საკითხთან დაკავშირებით აზრი შეიცვალოთ, რაც იდეის განხორციელების შანსს მოგცემთ. გაუფრთხილდით საყვარელ ადამიანებს, მხოლოდ მათ შეუძლიათ მიზნის მიღწევაში დაგეხმაროთ.
კურო
სწავლისა და მუშაობისთვის არახელსაყრელი დღეა, ამიტომ სარისკო მოქმედებებზე და ექსპერიმენტებზე უარი უნდა თქვათ. მოერიდეთ მტკივნეულ თემებზე კამათს – გახსოვდეთ, რომ ყველა ადამიანს თავისი აზრი აქვს და ეცადეთ ამას შეეგუოთ. თუ ვიღაც დიდი ხანია რაღაცას გთხოვთ, დაფიქრდით, იქნებ დროა ამ საკითხზე აზრი შეიცვალოთ.
ტყუპები
პირად ცხოვრებაში მოსალოდნელია სირთულეები. ურთიერთობის გადასარჩენად, იქნებ ერთი დღე ერთმანეთისგან დაისვენოთ და საღამო ცალ-ცალკე გაატაროთ? გამორიცხული არ არის, რომ ერთ-ერთ კოლეგას თქვენი შურს და ცდილობს დაგაზიანოთ, რადგან შეგიძლიათ საკუთარი აზრი გასაგებად გამოხატოთ და სასურველს მარტივად მიაღწიოთ. გირჩევთ, დიდი ხნის წინ შედგენილ მოქმედების გეგმას არ გადაუხვიოთ, თუნდაც ამის მიზეზი გქონდეთ.
კირჩხიბი
ვარსკვლავები გირჩევენ, რომ თავი დახაროთ და მთელი დღე მშვიდად იმუშაოთ. არ არის საჭირო კამათი და იმის მტკიცება, რომ მართალი ხართ და პრობლემები არ გექნებათ. პირიქით, კოლეგებთან დაახლოების შესაძლებლობა გექნებათ. თუ რაიმე ახალს შემოგთავაზებენ, დათანხმდით. ეს გაამდიდრებს თქვენს ცხოვრებისეულ გამოცდილებას. გათავისუფლდით ეჭვებისგან და შეწყვიტეთ საკუთარი თავის დადანაშაულება. სავარაუდოდ, საღამოს საინტერესო ნაცნობობა გელით.
ლომი
ეცადეთ რეალისტურად იაზროვნოთ. მალე მოგიწევთ მნიშვნელოვანი გადაწყვეტილებების მიღება და ეს ყველა სფეროს ეხება – ფინანსურით დაწყებული, სიყვარულით დამთავრებული. ასევე, მოგიწევთ ადაპტაცია ცვლილებებთან, რომლებიც ყოველთვის სასიამოვნო არ იქნება. ახალ ურთიერთობებში შეგიძლიათ პირველი ნაბიჯები გადადგათ და საკუთარ გრძნობებზე ღიად ილაპარაკოთ.
ქალწული
ხელსაყრელი დღეა შემოქმედებითი პროფესიის, ბავშვებთან და გართობის სფეროში მომუშავე ადამიანებისთვის. თუნდაც შემოქმედებასთან არაფერი გაკავშირებდეთ, შეეცადეთ სამსახურში განსხვავებული მიდგომა მონახოთ. გირჩევთ, ახლობელი ადამიანების პირადი საზღვრები არ დაარღვიოთ და დისტანცია შეინარჩუნოთ. ეს საშუალებას მოგცემთ, სიმშვიდე და ჰარმონიული ურთიერთობები შეინარჩუნოთ.
სასწორი
ცდებით, თუ ფიქრობთ, რომ თქვენს გასაკეთებელ საქმეს სხვა გააკეთებს. მიზნის მიღწევის საუკეთესო გზა ხანგრძლივი და დაძაბული მუშაობაა, თუმცა საღამოს შეგიძლიათ დაისვენოთ და მეგობრებს შეხვდეთ, თუ ამის ძალა შეგრჩათ. ვარსკვლავები გირჩევენ, რომ ურთიერთობებში სიფრთხილე გამოიჩინოთ. თქვენი უხეშობა შეიძლება კონფლიქტის მიზეზი გახდეს.
მორიელი
გირჩევთ, მუშაობის ტემპი შეანელოთ. წინააღმდეგ შემთხვევაში, მოსალოდნელია შეცდომები, რაც თქვენს ფინანსურ მდგომარეობაზე უარყოფითად აისახება. დროა, მოახლოებული დღესასწაულის წინ სახლი დაალაგოთ და უსარგებლო ნივთებისგან გათავისუფლდეთ. გადახედეთ ოჯახურ ბიუჯეტს და დაფიქრდით – იქნებ საკუთარ თავზე ძალიან ცოტას ხარჯავთ? ნუ გააკეთებთ საკუთარ თავზე ეკონომიას და ეცადეთ, სრულფასოვანი ცხოვრებით იცხოვროთ.
მშვილდოსანი
ყველაფერი, რასაც აკეთებთ, რამდენჯერმე უნდა გადაამოწმოთ. ფრთხილად იყავით, რადგან უმცირესი შეცდომაც კი შეიძლება თქვენს კარიერაზე აისახოს. ეს დღე მავნე ჩვევებისგან გათავისულებისთვის ზედმიწევნით ხელსაყრელია. ვარსკვლავები დაგეხმარებიან, რომ სიგარეტის მოწევა შეწყვიტოთ, ალკოჰოლზე დამოკიდებულებისგან გათავისუფლდეთ და ჯანსაღი ცხოვრების წესს ეზიაროთ. ასევე კარგი იქნება ვარჯიშის დაწყება ან ფეხით სიარული.
თხის რქა
საყვარელი ადამიანები იდეებსა და რჩევებს მოგაწვდიან, რომლებზეც დიდხანს იფიქრებთ და შესაძლოა, გადაწყვეტილების მიღება გაგიჭირდეთ. სამსახურში რთული და თქვენთვის უცნობი დავალების შესრულებას მოერიდეთ, რადგან შედეგის მიღება გაგიჭირდებათ. შეიძლება ერთ-ერთ ნაცნობთან ურთიერთობის შეწყვეტა მოგიწიოთ. იზრუნეთ ჯანმრთელობაზე და იმუნიტეტის გაძლიერებაზე.
მერწყული
ხვდებით, რომ ზოგი რამ თქვენზე არ არის დამოკიდებული, მაგრამ მაინც საწყენია, რომ სხვა ადამიანების ქმედებების გამო გარკვეულ სიკეთეებს კარგავთ. ეს შეიძლება იყოს დასვენების დღე, ფინანსური ჯილდო, თანამდებობა და ა.შ.; მენეჯმენტს თქვენი სამართლიანი დამოკიდებულება მოეწონება. მთავარია, პრინციპებს არ უღალატოთ და ადრე თუ გვიან, საკუთარს მაინც გაიტანთ. ამ დღეს ძალიან ბევრი დავალება გექნებათ, მაგრამ, ყველაფრის მიუხედავად, ეცადეთ დასვენების დრო გამონახოთ.
თევზები
სერიოზული, რადიკალური გადაწყვეტილებების მისაღებად არახელსაყრელი დღეა, რადგან თავადაც არ ხართ დარწმუნებული მათ სისწორეში. შესაძლოა, იმ ადამიანების ზეწოლის ქვეშ ხართ, რომლებსაც საკუთარი ინტერესები ამოძრავებთ. ეცადეთ, ამ დღეს ურთიერთობა მინიმუმამდე შეამციროთ და თუ შესაძლებლობა გაქვთ, განმარტოვდეთ. ასე შეძლებთ, არასასურველ საუბრებს და დებატებს მოერიდოთ და განწყობა არ გაიფუჭოთ.
