“მათ სურთ – ჩვენ ფიზიკურად გავანადგუროთ ერთმანეთი.
მათ სურთ – ჩვენი ოჯახები გაყონ.
მათ სურთ – თაობები დაუპირისპირონ ერთმანეთს.
მათ სურთ – დამანგრეველ ომში შეგვიყვანონ და პოლიტიკურ ბრძოლებში გადარჩენილები უკანასკნელ ქართველამდე გაანადგურონ.
მათ ნაწილობრივ ამას უკვე მიაღწიეს.
მოსახლეობის მილიონამდე – ინტელექტის რეცეპტორები გათიშული აქვთ. არანაირი კრიტიკული აზროვნება, ანალიტიკური თუ ასოციაციური მსჯელობის უნარი. ზერო!
ისინი მომზადებულები არიან ბოროტი დამკვეთის ხელში “საზარბაზნე ხორცად” გადაიქცნენ.
აპელირება – ოჯახთან, სკოლასთან, ეკლესიასთან: “რამ გაგზარდათ და სად გაიზარდეთ” – დღეს ყოველგვარ აზრს მოკლებულია.
დღეს ქვეყნის გადარჩენა მთლიანად ჯდება წმ. სერაფიმ საროველის “ფორმულაში” – “გადაარჩინე თავი შენი და შენს გარშემო ათასები გადარჩებიან”.
ჩვენ ამ ქვეყანაში – ორმილიონიან მოსახლეობას წარმოვადგენთ. ამ ეტაპზე საკუთარი თავები შევუნარჩუნოთ ერთმანეთს და საქართველოს.
ხვალ – მიეხედოს ოჯახებს, სკოლებს და ეკლესიას. ეს ერისა და ბერის მხედრობასა და მთავრობას ეხება! ზეგ კი – ამ “ინსტიტუტების” რეფორმირების პირველი მოსავალი უნდა მივიღოთ.
დღეს – ამ “მილიონზე” ბრძოლა ჩვენ: ოჯახს, სკოლას, ეკლესიას – წაგებული გვაქვს. ვაღიაროთ ეს და ერთად ვიზრუნოთ ხვალინდელ მომავალზე.” – წერს პარტია „ხალხის ძალის“ წევრი დავით ქართველიშვილი
