ისრაელის პრემიერ-მინისტრის, ბენიამინ ნეთანიაჰუს კერძო რეზიდენციისკენ, სანაპირო ქალაქ კესარიაში, უპილოტო საფრენი აპარატი გაუშვეს.
ნეთანიაჰუს ოფისში აცხადებენ, რომ პრემიერი და მისი მეუღლე ადგილზე არ იმყოფებოდნენ და ინციდენტის შედეგად არავინ დაშავებულა.
ნეთანიაჰუს კესარიასა და იერუსალიმში ორი კერძო სახლი აქვს, რომლებსაც აქტიურად იყენებს, ასევე დიდ დროს ატარებს პრემიერ-მინისტრის ოფიციალურ რეზიდენციაში იერუსალიმში, რომელსაც ამჟამად სარემონტო სამუშაოები უტარდება.
ისრაელის თავდაცვის ძალების განცხადებით, შაბათს ლიბანიდან ისრაელში 55 რაკეტაა გაშვებული.
