აშშ-მა B-2 ტიპის ბომბდამშენებით „ჰუსიტების“ მიწისქვეშა იარაღის შესანახ საწყობებს დაარტყა, – ამის შესახებ ინფორმაციას აშშ-ის თავდაცვის მდივანი, ლოიდ ოსტინი ავრცელებს.
„აშშ-ის ძალებმა „ჰუსიტების“ მიწისქვეშა ობიექტებს დაარტყეს, სადაც იმ ტიპის იარაღების კომპონენტები იყო განთავსებული, რომლებსაც „ჰუსიტები“ სამოქალაქო და სამხედრო გემების წინააღმდეგ იყენებდნენ“, – განაცხადა ლოიდ ოსტინმა.
ლოიდ ოსტინის ცნობით, სარაკეტო დარტყმებისთვის აშშ-მა B-2 Spirit ბომბდამშენები გამოიყენა და ხუთ მიწისქვეშა საწყობს დაარტყა.
„აშშ-ის საჰაერო ძალების B-2 სტელსის ბომბდამშენების გამოყენება აშშ-ის გლობალურ შესაძლებლობას აჩვენებს, რომ აღნიშნულ სამიზნე ობიექტებს ნებისმიერ დროსა და ნებისმიერ ადგილას დაარტყას“, – აღნიშნა აშშ-ის თავდაცვის მდივანმა.
