ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, ვეტერანების საქმეთა სახელმწიფო სამსახურის შექმნის 10 წლისთავთან დაკავშირებით, ვეტერანის დღისადმი მიძღვნილი ღონისძიებების ფარგლებში, რეგიონებში ვეტერანებთან შეხვედრებს განაგრძობს.
🔴დღეს, კობა კობალაძემ, მორიგი შეხვედრა, რუსთავში გამართა და ქვემო ქართლში მცხოვრებ ომისა და თავდაცვის ძალების ვეტერანებს, სამსახურის მუშაობის 10 წლიანი ანგარიში წარუდგინა. სამსახურის დირექტორმა, ვეტერანებს, ამომწურავი ინფორმაცია მიაწოდა ყველა იმ პროექტსა და ინიციატივაზე, რაც სამსახურის ბენეფიციართა წინაშე სოციალური, ეკონომიკური და ჯანდაცვის კუთხით არსებული გამოწვევების დასაძლევად, სამსახურისა და სახელმწიფო ინსტიტუციების ერთობლივი ძალისხმევით და, ასევე, ბიზნესსექტორისა და საერთაშორისო პარტნიორების ჩართულობით ხორციელდება. ვრცელი პრეზენტაციის შემდეგ, ვეტერანებმა აღნიშნეს, რომ მათთვის საინტერესო კითხვებზე ამომწურავი პასუხები მიიღეს; მადლიერება გამოხატეს სამსახურის მიერ განხორციელებული პროექტების გამო, ისაუბრეს იმ გამოწვევებზე, რომლებიც სამსახურისა და სახელმწიფოს ერთობლივი ძალისხმევის მიუხედავად, მათ წინაშე ჯერ კიდევ არსებობს და იმედი გამოთქვეს, რომ ვეტერანთა მიმართ თანადგომა კიდევ უფრო გაიზრდება. ვეტერანებმა გამოთქვეს სურვილი, ახალგაზრდა თაობაში პატრიოტული სულისკვეთების ამაღლების მიზნით,საჯარო სკოლებში გამართონ შეხვედრები მოსწავლეებთან და მათ თავიანთი გამოცდილება გაუზიარონ.
🔴შეხვედრას, ასევე,ესწრებოდნენ ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, რეგიონული მართვის დეპარტამენტის უფროსი, ლევან ამირიძე, სამსახურის წარმომადგენელი ქვემო ქართლის რეგიონში, ლევან გოგოლაური ,სახელმწიფო რწმუნებული ქვემო ქართლის რეგიონში, გიორგი დოხტურიშვილი,ქ.რუსთავის მუნიციპალიტეტის მერი,ნინო ლაცაბიძე.
🔴კობა კობალაძე რეგიონებში ვიზიტს განაგრძობს და მომდევნო შეხვედრებს შემდეგ ქალაქებში გამართავს:
🔻11 ოქტომბერს, ქ. თელავში, 16:00 საათზე, ჭავჭავაძის მოედანი N 5, (მუსიკალური სკოლა); 🔻12 ოქტომბერს, ქ. მცხეთაში, 16:00 საათზე, სამხედროს ქუჩა N 9 (კულტურის სახლის შენობა).
🔴ადგილობრივ ვეტერანებს შესაძლებლობა აქვთ, დაესწრონ აღნიშნულ შეხვედრებს და სამსახურის დირექტორისგან, მათთვის საინტერესო ყველა საკითხზე ამომწურავი ინფორმაცია მიიღონ.
