„ჰეზბოლამ“ ჩრდილოეთ ისრაელის მიმართულებით 150 რაკეტა გაუშვა.
BBC-ს ცნობით, შემთხვევას ორი ადამიანი ემსხვერპლა – წყვილი ძაღლთან ერთად სეირნობდა, როდესაც მათ სიახლოვეს ჭურვი აფეთქდა. ეს პირველი შემთხვევაა ისრაელსა და „ჰეზბოლას“ შორის კონფლიქტის ბოლო ესკალაციის დროს, როდესაც ლიბანური დაჯგუფების იერიშს მსხვერპლი ისრაელის მშვიდობიან მოსახლეობაში მოჰყვა. ასევე ვრცელდება ინფორმაცია რამდენიმე დაშავებულის შესახებ.
„ჰეზბოლაში“ აცხადებენ, რომ მათი სამიზნე კირიათ შმონაში განლაგებული ისრაელის თავდაცვის ძალების წარმომადგენლები იყვნენ.
