ბათუმში 16 წლის მოზარდს მეხი დაეცა, – ინფორმაციას მეტეოროლოგი კობა ფარტენაძე სოციალურ ქსელში ავრცელებს.
მისივე ცნობით, არასრულწლოვანი, სხეულის დამწვრობით კლინიკაშია გადაყვანილი.
„დღეს ბათუმში ელჭექის დროს დაფიქსირდა მეხის ჩამოვარდნის ფაქტი თევზის რესტორან “ფიშლანდიასთან”, რომელიც სამწუხაროდ დაეცა 16 წლის მოზარდს, ის მუშაობდა მიმტანად, მიიღო სხეულის ნაწილობრივი დამწვრობა, გადაყვანილია ბათუმის რესპუბლიკურ საავადმყოფოში.
შეგახსენებთ დღის ბოლოს ბათუმში ლოკალურად ამინდი მკვეთრად გაუარესდა, აღინიშნა ქარის შკვალური გაძლიერება, ძლიერი ელჭექი და ხანმოკლე წვიმა“, – წერს ფარტენაძე.
