რუსეთის საგარეო საქმეთა მინისტრის მოადგილის ალექსანდრე გრუშკოს განცხადებით, უკრაინაში ამერიკული F-16-ის ტიპის ავიაგამანადგურებლების გაგზავნით დასავლეთი საკუთარ თავს უზარმაზარ რისკებს შეუქმნის. გრუშკოს მტკიცებით, რუსეთს ყველანაირი რესურსი აქვს იმისთვის, რომ დასახულ მიზნებს მიაღწიოს.
„ე.წ. ესკალაციის კიბეზე სიარული გრძელდება და ჩვენ ვხედავთ, რომ დასავლეთის ქვეყნები კვლავ ესკალაციის სცენარს მიჰყვებიან. ამით, საკუთარ თავსვე უქმნიან უზარმაზარ რისკს. ნებისმიერ შემთხვევაში, ეს გათვალისწინებული იქნება ჩვენს ყველა გეგმაში და ჩვენ ყველა აუცილებელი საშუალება გვაქვს იმისთვის, რომ დასახულ მიზნებს მივაღწიოთ“, – მოჰყავს რუსულ სახელისუფლებო გამოცემა TASS-ს -აცხადებს გრუშკო
