საქართველოს საფეხბურთო ნაკრები 7 სექტემბერს, უეფას ერთა ლიგის 2024- 2025 წლის სეზონის გათამაშების პირველ შეხვედრას გამართავს.
ვილი სანიოლის გუნდი მიხეილ მესხის სტადიონზე ჩეხეთის ნაკრებს დაუპირისპირდება. 10-ში კი სტუმრად ალბანეთთან ითამაშებს. ეროვნული ნაკრების მთავარმა მწვრთნელმა 23 ფეხბურთელი გამოიძახა. გერმანიაში ჩატარებული ევროპის ჩემპიონატის შემდეგ, ვილი სანიოლი პირველ პრესკონფერენციას ამ წუთებში მართავს.
“ჩვენ საოცარი მომენტები გავიარეთ და ყველას გვსურს ასეთი მომენტები კიდევ მრავლად გვქონდეს. საკვალიფიკაციო ეტაპამდე დრო ჯერ კიდევ გვაქვს, წელს დიდი გამოცდილება მივიღეთ. დარწმუნებული ვარ ყველა საუკეთესოს გააკეთებს მიზნის მისაღწევად,”- აცხადებს სანიოლი.
