რუსეთის საგარეო საქმეთა სამინისტროს განცხადებით, კიევი კურსკის ოლქის ატომურ ელექტროსადგურზე გეგმავს, რამაც შედეგად, შესაძლოა, ევროპაში მასშტაბური ტექნოგენური კატასტროფა გამოიწვიოს.
რუსეთის თავდაცვის უწყება საერთაშორისო ორგანიზაციებს მოუწოდებს, დაუყოვნებლივ დაგმონ აღნიშნული.
„შემოსულია ინფორმაცია, რომლის მიხედვითაც, კიევის რეჟიმმა კურსკის ატომურ ელექტროსადგურზე თავდასხმის მომზადება დაიწყო. მოვუწოდებთ საერთაშორისო ორგანიზაციებს, განსაკუთრებით, გაეროს და ატომური ენერგიის საერთაშორისო სააგენტოს, დაუყოვნებლივ დაგმონ კიევის რეჟიმის მიერ, პროვოკაციული მოქმედებების მზადება და არ დაუშვან კურსკის ატომური ელექტროსადგურზე ბირთვული და ფიზიკური უსაფრთხოების დარღვევა, რომლის შედეგიც, შეიძლება ევროპაში მასშტაბური ტექნოგენური კატასტროფა გახდეს“, – ნათქვამია რუსეთის ფედერაციის საგარეო საქმეთა სამინისტროს დიპლომატიური დეპარტამენტის ვებგვერდზე გამოქვეყნებულ, მარია ხაზაროვას კომენტარში.
მანამდე, რუსეთის თავდაცვის სამინისტრომ განაცხადა, რომ მოსკოვი დაუყოვნებლივ მიიღებდა მკაცრ სამხედრო საპასუხო ზომებს, „თუ კიევი კონტინენტის ევროპულ ნაწილში რადიოაქტიური დაბინძურებით კატასტროფის გამოწვევის გეგმებს განახორციელებდა“.
შეგახსენებთ, უკრაინა 6 აგვისტოს შემდეგ კურსკის ოლქში ოპერაციას აწარმოებს. უკრაინის საგარეო საქმეთა სამინისტროს განცხადებით, ამ ოპერაციის მიზანი არა კურსკის ოლქის ტერიტორიის მისაკუთრება, არამედ უკრაინის მოქალაქეების დაცვაა.
