ეკოაქტივისტებმა გერმანიაში რამდენიმე აეროპორტის მუშაობა შეაფერხეს.
როგორც „დოიჩე ველე“ წერს, მოძრაობა „უკანასკნელმა თაობამ“ საპროტესტო აქცია გამართა ბერლინის, შტუტგარტის, ნიურნბერგისა და კიოლნის აეროპორტებში.
გერმანული მედიის ინფორმაციით, საჰაერო მიმოსვლა შეაფერხა 8 აქტივისტმა, რომელთაც სტაფილოსფერ ჟილეტები ეცვათ. კერძოდ, აქციის ორმა მონაწილემ ასაფრენ ბილიკზე შეაღწია. „ნავთობი კლავს“, – სკანდირებდნენ აქციის მონაწილეები.
საპროტესტო მოძრაობის წევრები ამბობენ, რომ კლიმატური ცვლილებები გარდაუვალი ხდება და მილიარდობით ადამიანის სიცოცხლეს საფრთხე ემუქრება, ამიტომ საჭიროა ქმედითი ზომების გატარება.
გერმანიის შინაგან საქმეთა მინისტრმა ეკოაქტივისტების ქმედებას სახიფათო და სულელური უწოდა. მისივე ცნობით, სამინისტრო დაკავებული პირების მკაცრად დასჯას ითხოვს. ეს არ არის პირველი შემთხვევა, როდესაც მოძრაობა „უკანასკნელი თაობის“ წარმომადგენლებმა გერმანიის აეროპორტების მუშაობა შეაფერხეს. მსგავსი აქცია მათ ივლისის ბოლოსაც მოაწყვეს.
