უკრაინის შეიარაღებულ ძალებს ოლქის 28 სოფელი აქვთ დაკავებული, – ამის შესახებ კურსკის ოლქის გუბერნატორმა რუსეთის პრეზიდენტთან თათბირის დროს განაცხადა.
ალექსეი სმირნოვის თქმით სიტუაცია რეგიონში რთული რჩება. უკრაინელები კურსკის ოლქში 12 კილომეტრზე არიან შეჭრილები, ხოლო ფრონტი 40 კილომეტრზეა გაშლილი.
სმირნოვის განმარტებით, უკრაინელების მიერ კონტროლირებად ტერიტორიებზე რჩება რუსეთის 2000 მოქალაქე და მათი მდგომარეობის შესახებ ადგილობრივ მთავრობას ინფორმაცია აქვს.
ამასთან, მისივე თქმით, 6 აგვისტოდან დაწყებული საბრძოლო მოქმედებების შედეგად სულ დაღუპულია რუსეთის 12 მოქალაქე, ხოლო 121 დაშავებულია.
ოფიციალური უწყებების ინფორმაციით, კურსკის ოლქიდან ევაკუირებულია 121 ათასზე მეტი ადამიანი და სხვადასხვა სოფლებიდან მოქალაქეთა გაყვანა გრძელდება.
