განმუხურში, მდინარე ჯუმისა და მდინარე ენგურის შესართავთან, მაშველები 15 წლის მოზარდს ეძებენ.
არსებული ინფორმაციით, მოზარდი ანაკლიაში სტუმრად იმყოფებოდა და თანატოლებთან ერთად საბანაოდ წავიდა.
მდინარის ნაპირზე ნაპოვნია მოზარდის პირადი ნივთები, მათ შორის ტანსაცმელი. სხვა დეტალები ამ დროისთვის უცნობია.
ადგილზე ასევე მობილიზებულია სამართალდამცავთა ჯგუფები.
