დავით კეზერაშვილმა ბიბისის წინააღმდეგ სასამართლოში სარჩელი შეიტანა.
თავდაცვის ყოფილი მინისტრი, რომელიც ბრიტანულმა მაუწყებელმა თაღლითურ სქემაში ამხილა, სასამართლოში ჩივის. კეზერაშვილმა ბიბისის წინააღმდეგ სარჩელი უკვე შეიტანა. თავდაცვის ყოფილი მინისტრი ამტკიცებს, რომ „მილტონ გრუპთან“ და „ქოლცენტრებთან“ კავშირი არ აქვს და მის წინააღმდეგ შევიწროების, მუქარისა და დევნის კამპანია გრძელდება.
BBC-მ კეზერაშვილის თაღლითური სქემის შესახებ საგამოძიებო ფილმი გაავრცელა. მასში დეტალურადაა ნაჩვენები და მოყოლილი, თუ როგორ მიდის კვალი დავით კეზერაშვილამდე. ფილმში დავით კეზერაშვილი „მისტერ ოფშორად“ არის მოხსენიებული. ამასთან, დასახელებულია კონკრეტული სახელები და გვარები, თუ ვისი მეშვეობით მართავს ე.წ. თაღლითურ სქემას საქართველოს თავდაცვის ყოფილი მინისტრი.
