უნგრეთის პრემიერ-მინისტრმა, ვიქტორ ორბანმა განაცხადა, უკრაინაში ომი რუსეთმა დაიწყო, თუმცა ახლა მსოფლიომ უნდა გადაწყვიტოს რომელი გზა აირჩიოს – კონფლიქტის იზოლირება და დიპლომატიური გზის პოვნა თუ ომში უფრო ღრმად ჩაბმა.
„თუ უკრაინას მივცემთ უფლებას [დასავლური იარაღით] დაარტყას რუსეთის ტერიტორიას, მაშინ დადგება შედეგები რუსეთის ძლიერი რეაქციით, ხოლო ნატოს ჩარევის რისკი ჩვენგან ერთ ნაბიჯში იქნება“, – აღნიშნა ვიქტორ ორბანმა.
გასულ კვირას უკრაინამ დაადასტურა, რომ შეზღუდული ნებართვა მიიღო რუსეთზე ამერიკული იარაღით დარტყმისთვის.
თეთრ სახლში განმარტეს, რომ ამერიკული იარაღით დარტყმის ნებართვა ვრცელდება არა მხოლოდ ხარკოვის ოლქის, არამედ სუმის ოლქის მოსაზღვრე ტერიტორიებზეც. ამავდროულად, ნებართვა არ ვრცელდება ATACMS-ის შორ მანძილზე მოქმედ რაკეტებზე.
მოგვიანებით, მარტში „ჰამასმა“ განაცხადა, რომ აღნიშნული პირები ისრაელის მიერ განხორციელებული საჰაერო დარტყმების დროს დაიღუპნენ, ისევე როგორც სხვა ათეულობით მძევალი. ისრაელში კი აცხადებენ, რომ მათ სამხედრო ოპერაციის განმავლობაში, სხვადასხვა დროს, სიკვდილით დასჯილი მძევლების ცხედრები არაერთხელ აღმოაჩინეს.
