გერმანიის ბუნდესტაგის საგარეო საქმეთა კომიტეტის თავმჯდომარე მიხაელ როთი სოციალურ ქსელში წერს, რომ 13-15 მაისს საქართველოს ეწვევა.
„13-15 მაისს ევროპის ნამდვილ დედაქალაქს, თბილისს ვეწვევი, თავისუფლებისა და დემოკრატიის ქალაქ თბილისს. ჩემთან ერთად იქნებიან ჩემი გამორჩეული კოლეგები ევროკავშირის წევრი სხვადასხვა ქვეყნებიდან. მოუთმენლად ველოდებით მთავრობის, პარლამენტის, ოპოზიციისა და გაბედული სამოქალაქო საზოგადოების წევრებთან შეხვედრას“, – წერს როთი.
