“ჩინეთს შეუძლია, უკრაინას სამართლიანი მშვიდობის აღდგენაში დაეხმაროს” – ზელენსკი

ჩინეთს შეუძლია, ხელი შეუწყოს უკრაინისთვის სამართლიანი მშვიდობის აღდგენას. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.

მისივე თქმით, ჩინეთს აგრეთვე შეუძლია, საერთაშორისო ურთიერთობებში სტაბილურობა შემოიტანოს.

„ჩინეთს მართლაც შეუძლია, ხელი შეუწყოს უკრაინისთვის სამართლიანი მშვიდობის აღდგენას და საერთაშორისო ურთიერთობებში სტაბილურობის დამყარებას“, – აცხადებს ზელენსკი.

ინფორმაციისთვის, 16 აპრილს გერმანიის კანცლერი ოლაფ შოლცი ჩინეთში ჩავიდა და ქვეყნის მმართველ სი ძინპინს მოუწოდა, მოსკოვზე ზეწოლა მოახდინოს უკრაინის წინააღმდეგ ომის დასრულებისა და მისი ტერიტორიიდან ჯარების გაყვანის მიზნით.