![ტრამპი](https://geotimes.ge/wp-content/uploads/2023/05/trampi-1.jpg)
აშშ-ის ყოფილმა პრეზიდენტმა, დონალდ ტრამპმა განაცხადა, რომ აშშ „100 პროცენტით“ დარჩება ნატო-ში მისი ხელმძღვანელობით, ვიდრე ევროპული ქვეყნები „სამართლიანად ითამაშებენ“.
ბრიტანული ტელეარხისთვის, GB News-ისთვის მიცემულ ინტერვიუში ტრამპმა აღნიშნა, რომ ადასტურებს თავის ერთგულებას ტრანსატლანტიკური ალიანსის მიმართ, მაგრამ გააფრთხილა ევროპული ქვეყნები, „ბოროტად არ ისარგებლონ“ აშშ-ის მხარდაჭერით.
„ნატო სამართლიანად უნდა მოექცეს აშშ-ს, რადგან თუ არ იქნება ამერიკის შეერთებული შტატები, ნატო ფაქტობრივად ვერც კი იარსებებს“, – აღნიშნა ტრამპმა.
კითხვაზე, მისი პრეზიდენტობის შემთხვევაში, აშშ დაეხმარება თუ არა თავდასხმის ქვეშ მყოფ ქვეყნებს, ტრამპმა უპასუხა, რომ ეს ასე იქნება. „დიახ, მაგრამ თქვენ იცით, აშშ-მა უნდა გადაიხადოს თავისი სამართლიანი წილი და არა ყველას სამართლიანი წილი“, – უპასუხა ტრამპმა.